Kryeprokurori i misionit EULEX, Johanes Van Vreswijk ka deklaruar se zyra e tij ka fakte për të ashtuquajturën çështja “Limaj”. Në një intervistë për një të përditshme kosovare, Van Vreswijk ka bërë të ditur se EULEX po heton edhe gjashtë çështje të tjera që kanë të bëjnë me korrupsion dhe krim të organizuar. “Iu bëj thirrje të gjithë zyrtarëve në Kosovë që kanë qenë ose janë të lidhur me krimin e organizuar që të fillojnë të djersiten”, ka deklaruar kryeprokurori.
